ಕನಸಲೂ ನೀನೆ ..... ಮನಸಲೂ ನೀನೆ

ಕವಿಯ ಮನಸ್ಸಿನಲಿ ಪದವಾದೆ ನೀನು,
ನಾಕಂಡ ಸ್ವಪ್ನಕ್ಕೆ ನೀರೆರೆದೆ ನೀನು,
ನಿನ್ನ ನಾಮಸ್ಮರಣೆಯಲಿ ಪ್ರತಿನಿತ್ಯ ನಾನು,
ನನ್ನಂತರಂಗದ ತುಂಬೆಲ್ಲ ನೀನು....!! ಬರಿನೀನು ... !!


ಕಾಲೇಜಿನ ಕ್ಯಾಂಟೀನಿನ ಬಳಿ ನಾನೋಡಿದೆ ನಿನನ್ನು..
ಸ್ತಬ್ಧವಾಯಿತು ಆ ಕ್ಷಣ ಮಂಕಾದೆ ನಾನು,
ಆ ನಿನ್ನ ಮುಂಗುರುಳು ಬಾಗಿ ಹಣೆಗೆ ಮುತ್ತಿಕ್ಕುತ್ತಿದ್ದರೆ..,
ನನಗೆ ತಿಳಿಯುತ್ತಿರಲಿಲ್ಲ ಕಾಫಿಗೆ ಹಾಕದಿದ್ದರೂ ಸಕ್ಕರೆ..!!

ಕಣ್ತುಂಬ ಕನಸು ತುಂಬ ನೀನೆ ತುಂಬಿರುವೆ.
ಬಾಯ್ತುಂಬ ಒಮ್ಮೆ ನಕ್ಕರೆ ನಿನ್ನಲ್ಲೆ ಒಂದಾಗಿ ಬಿಡುವೆ.,
ಮನದಲ್ಲೆ ಮನೆ ಮಾಡಿ ಹಚ್ಚೆ ಬರೆದಿರುವೆ..
ಸ್ವರದಲ್ಲ್ಲೆ ಸೊಗಸಾಗಿ ಮೋಡಿ ಮಾಡಿರುವೆ..!!

ನೀನನ್ನ ನೋಡದಿದ್ದರೂ ನಾ ನಿನ್ನನೇ ನೋಡುವೆ.,
ನೀ ನನ್ನತ್ತ ಜಾರದಿದ್ದರೂ ನಾ ನಿನ್ನಲ್ಲೆ ನೆಲೆಯೂರುವೆ,
ನೀ ನಸು ನಕ್ಕರೆ ನಾಕಾಣುವೆ ಸಾವಿರ ಕನಸು..
ನಿನ್ನಲೊಂದಾಗಲು ಹಾತೊರೆಯುತ್ತಿದೆ ಈ ಮನಸು..!!

ಮುಗ್ದ ಮನದ ಶುದ್ಧ ಪ್ರೀತಿಯ ನಾನೆರೆವೆ ನಿನಗಾಗಿ.,
ಭೋರ್ಗರೆವ ಭಾವತರಂಗಗಳ ಬಿಂಬಿಸುವೆ ಮನದಾಳದ ಸ್ವಚ್ಛಂದ ಪ್ರೀತಿಗಾಗಿ.
ನೆನಪುಗಳ ಬುತ್ತಿಯನು ಚಿತ್ತದಲಿ ತುತ್ತಿಡುವೆ ಸುಂದರ ಸ್ವಪ್ನಗಳ ಸವಿಯಾಗಿ..
ನಿನ್ನಾಳದಿ ನನ್ನೆಲ್ಲ ನೆನಹುಗಳ ಕುರುಹಿನೊಂದಿಗೆ ನನ್ನಲೊಂದಾಗು...
ನನ್ನ ಮನಸಿನೊಂದಿಗೆ.. ನನ್ನ ಮಾತಿನೊಂದಿಗೆ... ನನ್ನ ಭಾವದೊಂದಿಗೆ...!!